Mohabbat Ka Dard

Jin galiyon se tha mai chahta gujarna,

Unhone usi gali me mujhe badnaam kar diya,

Jis dil me mai chahta tha utarna,

Unhone usi dil se mujhe niskashit kar diya.

Mai anjaan pahle se hi pyar karne se darta tha,,

Unhone mujhe daga de mera pyar pe se vishwas hi utha diya,

Kahan chahta tha mai kisi ke bhi najdik jana,

Unhone apne paas bula, paraya mujhe bana diya.

Bewafai mujhe puri tarah se tod dalegi,

Ye jankar bhi unhone mere sang bewafai kar dali,

Samaj ko bhulakar kiya tha maine unse pyar,

Par unhone usi pyar ko samaj ke samaksh bana di gali.

Kaun deta hai kisi ko kisi ke dil ko todne ka adhikaar,

Pahle hi kyoun nahi mana kar dete wo agar nahi nibha sakte wo pyar,

Are koi bataye unhe ki akele jina fir bhi bahut aasan hota hai,

Admara sa ho jata hai majnu agar sahna pad jaye use bewafai ki maar.

Pyar ko sayad isiliye nasib ka wardaan hai mana jata,

Khusnasibon ko pyar jatane wala sahbhagi hai mil jata,

Jinki kismet me dared-mohabbat ka bhog hota hai,

Wahi aashiq bewafai ke rog se grasit rahta hai.

Mat banao majak is khoobsurat pyar ke nagme ka,

Ki kahin vishwas hi na uth jaye pyar me hone wale rangin anubhawo ka,

Are pyar agar nahi hai nibhta to use sikhne ke liye kisi pe mat aajmao,

Tum to apna saukh pura kar loge par jispe bitegi uski jindagi pe thoda taras to khao.

Khai wo kya mere pyar ke jajbe ko samjhenge,

Are hum pyar nibhane ke liye har balidaan de denge,

Agar kabhi apni bewafai ko jankar khud pe taras aa jaye,

Bas itna dhyan rakhna ki ye bewafai ka kissa kisi ke kaan me na jaye,

Warna aashiqon ka sach me pyar pe se vishwas uth jayega,

Aur tumhari galti ki saja har laila-majnu ko sahna pad jayega.

Mera Hunar

Aakash Se Kah Do Ki Wo Aur Unche Uth Jayen,

Kyonki Hum Uncha Udne Ka Hunar Jante Hain,

Jamane Se Kah Do Ki Hamen Na Aajmayen,

Kyoki Hum Apni Mohabbat Me Kayal Karne Ka hunar Jante Hain.

Ye Sard Hawayen Hamen Kya Thitoringi,

Hamare Tej Ke Samne Wo Khud Thitur Jayengi,

Koshish Karengi Wo Hamen Barf Ki Tarah Jamane Ki,

Par Takrakar Hamse Pani Ban Khud Apni Jag Hansai Karwayengi.

Sard Hawaon Se Kah Do Ki Wo Hamare Tej Se Na Takrayen,

Kyonki Hum Apni Garmi Se Pighlane Ka hunar Jante Hain.

Ruk Ja Ae Aag Aur Bhool Na Kar Mujhe Jalane Ki,

Kahin Aisa Na Ho Jaye Ki Mere Tej Se Naubat Na Aa Jaye Tere Jhulas Jane Ki,

Bhool Se Bhi Mujhe Chune Ki Bhool Na Karna,

Warna Pad Jayega Tujhe Meri Shitalta Se Haar Ka Swad Chakhna,

Is Aag Se Kah Do Ki Band Karde Uun Dusron Ko Jalana,

Kyonki Hum Rulakar Aansuyon Se Dil Ki Aag Ko Bhujhane Ka hunar Jante Hain.

Samundra Se kah Do Ki Naj Na Karen Apne Lahron Ke Tej Par,

Kyonki Hum Lahron ke Virudh Bhi Tairne Ka Hunar Jante Hain,

Insanon Se Kah Do Ki Tyag De Ye Chal-Kapat,

Kyonki Hum Murdon Ki Bhi Dil Ki Baat Padhne Ka Hunar Jante Hain.

Ye Khudi Par Vishwas Hi Hai Jo Insaano Me Swabhiman Bharta Hai,

Insaan Ko Samaj Ki Ku-Ritiyon Ke Prati Ladne Ka Sahas Deta Hai,

Ab Baaj Aa Jao Ae Jalim Samaj Ke Darindo Apni Swarthmayi Harkaton Ko Karne Se,

Kyonki Hum Saitanon Ko Insaan Banane Ka Hunar Jante Hain.