Padh Liya Science Agar, To Engineer Hi Banna Hai,
Har Umeed Se Bhari Ma-Baap Ki Aankhon Ka Yahi Sapna Hai,
Daswi Ki Board Ki Maar Hai, Bharawahi Me Science Me Admission Ki Katar Hai,
IIT Se Kam Nahi Yahi Sabki Engineer Se Icchaon Ka Sarokaar Hai.
In Sab Ke Beech Engineer Ki Halat Kharaab Hai,
Kesar Aur Chawanprash Se Hoga Kya, Mechanics – Graphics Ki Badi Buri Maar Hai,
Mathematics Ne To Jaan Nikali,
Nastik Me Bhi Aashta Ki Umag Jaga Dali.
Engineer Sudrudh Vicharon Ka Bhandaar Hai,
Mechanical, Electrical, Computer, Elcetronics, Electrical Jaisi,
Branches Ka Pratakshya Sakshatkaar Hai.
Apni Zindagi Ko Samaj Ke Prati Samrpit Kar Jita Hai Wo Shaan Se,
Fauji Ladta Hai Sarhad Pe, Engineer Badhata Desh Ko Vigyan Ke Chamatkaar Se,
Engineer Ki Soch Ki Koi Seema Nirdharit Nahi Hoti,
Isiliye To Badi Badi Companiyan Engineers Ko Hire Karne Se Piche Nahi Hoti.
IT Company Ne To Engineers Ko Ek Naya Samaan Dilaya,
Jo Join Hua To Kahlaya Engineer,
Bada Hua To Kahlaya Senior Engineer,
Lead Bhi Bana To Kahlaya Lead Engineer.
Aaj Bhi Engineer Dopahar Me Breakfast Karta Hai
Raat Mey Lunch Karta Hai
Aawa Jaahi Ke Waqt Soya Karta Hai
Sari Vipadaon Ke Bawjood Time Pe Project Delivery Karta Hai.
Aao Mil Kar Hum Kare Samman Us Engineer Ka,
Jisne Project Delivery ke Liye Apni Wife Ki Delivery Ko Bhula Diya,
Khud Ki Family Ko Chod Kar Apni Project Team Ko Hi Apni Family Bana Liya,
Apni Khusiyon Ko Tyag Kar Project Ko Delivery Excellence Award Aur Company Ko CMMI Level Dila Diya.
No comments:
Post a Comment