Uske Dukhi Hone Ka Darr

Mai Pyar Ko Talaashta Kahin Bhatak Raha Tha,
Na Jane Kyoun Par Har Kisi Se Pyar Pane Ki Aas Kar Raha Tha,
Nahi Tha Mujhe Malum Ki Pyar To Mil Kar Bhi Nahi Milta,
Bada Ho Nasib To Hi Pyar Ka Asli Sukh Hai Prapt Hota.

Meri Fariyaad Jada Din Ansuni Nahi Rah Payi,
Khuda Ne Meri Aarjoo Ko Sunte Hue, Mujhe Meri Premika Se Mulaqaat Karwai,
Mai Pahli Hi Najar Me Use Dil De Baitha,
Atal Tha Jigra Mera Par Uske Samne Sab Kuch Apna Haar Baitha.

Uska Wo Apnapan Mujhe Bhane Laga Kuch Is Kadar,
Ki Mai Bhi Apne Kamon Me Machane Laga Gadar,
Uske Aane Se Meri Zindagi Bhi Sawarne Lagi Thi,
Uske Prati Meri Chahat Bahut Umadne Lagi Thi.

Dil To Us Din Dukha Jab Uski Ma Ko Hamare Pyar Ki Malumaat Hui,
Mere Pyar Karne Ki Wajah Se Meri Mashuka Ki Khoob Pitai Hui,
Us Din Mai Is Duniya Ka Sabse Bada Swarthi Ban Baitha,
Usne To Sada Hi Di Mujhe Kushi Aur Mai Use Dukh De Baitha.

Mere Pyar Ko Uski Ma Smajh Nahi Rhai Thi,
Mere Samaksh Samaj Ke Tane Rakh Rahi Thi,
Meri Mashuka Ki Aankho Se Bahte Ashruyon Ne Mujhe Bhi Khoob Rulaya,
Mujhe Meri Hi Najron Me Bahut Niche Giraya.

Mashuka Ne Ma Ko Daga Dene Se Kiya Inkaar,
Mere Sath Bhagne Ko Bhi Kiya Inkaar,
Mai Uski Khushi Ke Liye Uski Zindagi Se Bahut Door Chala Jaunga,
Namonisan Mit Jaye Mera Isiliye Uske Sapne Me Bhi Kabhi Nahi Aaunga.

Pyar Me Kai Baar Balidaan Bhi Dena Padta Hai,
Is Samajh ki Khatir, Pyar Ko Kurbaan Bhi Karna Padta Hai,
Aaj Nam Aankhon Se Mai Sayad Apne Dard Ko Kagaj Par Utaar Jaun,
Par Ji Nahi Paunga Uske Bin Ye Usko Lakin Kaise Bataun...!!!

Management

Manager Aur Management Bade Hi Parai Sabd Hain,
Zindagi Me Kabhi Khushi To Kabhi Dukh Late Ye Labz Hain,
Manager Kisi Ka Bhi Nahi Hota,
Aur Management Har Manager Se Nahi Hota.

Har Manager Ko Apni Management Khud Par Hi Lagu Karni Hogi,
Jo Ideas Hain Jahan Me Use Khud Ki Hi Swikruti Deni Hogi,
Kyoki Management Kahin Galat Hua, To Kaiyon Ko Tabaah Karta Hai,
Manager To Post Ke Dum Par Bach Jata, Par Team Ko Harjaana Bharna Padta Hai.

Har Manager Jo Apni Khudi Me Jite Hue,
Bas Aaj Me Jiye Karta Hai,
Wo Manager  Ho Nahi Sakta,
Kyoki Acha Manager To Aksar Kal Bhaap Liya Karta Hai.

Manager Ki Paribhasha To Books Bhi Byan Nahi Kar Paaye,
Management Aisi Hai Jo Kisi Ko Post Dekar Aur Kisi Ko Ucch Vichaar Dekar Manager Hai Banati,
Manger Ko Bas Apne Faide Ki Rahti Hai Padi,
Fir Chahe Dikhani Pad Jaye Use Apne Vyaktitwa Ki Burai.

Lakin Sama Hamesha Aisa Rah Nahi Sakta,
Management Sahi Karke Udhaaran Bhi Hai Pesh Kiya Ja Sakta,
Aao Khud Ko Sanyojit Kar, Ek Ache Management Ki Niv Rakhen,
Planning Ko Behtar, Execution Ke Baad Ache Results Ki Aas Rakhen.

Managers Ko Kitabi Knowledge Se Bahar Aakar Kuch Chamatkaar Karna Hoga,
Mangement Ko Sahi Samajhte Hue Productive Outcomes Dena Hoga,
Warna Logon Ka Manager Sabd Se Vishwaas Uth Jayega,
Aur Is Corrupt Samaj Me Managers Ko Netaon Se Compare Kiya Jayega.

Bhulak-Kad

Ek Jamane Me Meri Intelligence Ki Daat Thi Di Jati,
Mujhe Door Se Dekh Kar Hi Salami Thi Thok Di Jati,
Aaj Ka Aalam Kuch Kahar Sa Dha Gaya,
Mujhe Meri Mahbuba Ke Mukh Se Bhulak-Kad Kahalwa Gaya.

Maine Propose Kiya Use Aur Uska Jawab Hi Bhool Gaya,
Usne Kaha Tha Haan Aur Mai Apne Exams Ki Taiyaari Me Hi Jut Gaya,
Is Baat Se Chid-Chidai Mashuka Ne Mujhe Khoob Sunaya,
Bola Nahi Karte Pyar To Bhulak-kad-pan Ko Apna Dhaal Banaya.

Mujhe Bhi Nahi Tha Maloom Ki Mai Short Term Memory Loss Ka Shikar Huin,
Praikhsa Patra Milte Hi Mai Chil-laya Ki Ha Janu Mai Tumse Pyar Karne Ko Taiyaar Huin,
Meri Is Harqat Par Pariksha Hall Se Mujhe Gaya Diya Nikaal,
Fail Hone Ke Baad Mere Jiwan Me Mach Gaya Bawaal.

Meri Mashuka Mujhse Tang Hui Padi Thi,
Kahti Thi Ki Mere Bhulak-kad-pan Ke Chalte Wo Bahut Roi Thi,
Mai Use Yaad Karne Ke Liye Uski Tasweer Sath Me Tha Rakhta,
Aur Baar Baar Uska Naam Tote Ki Tarah Tha Rat-ta Rahta.

Uske Mutabiq Mai Use Sadak Pe Akela Chod Gaya,
Bahanji Koi Takleef Hai Kya - Ye Kah Kar Sambodhit Bhi Kar Gaya,
Par Wo Bichari Mere Upkaar Ke Badle Mujhe Jhel Rahi Thi,
Har 5 Minute Baad Kabhi Mashuka To Kabhi Anjaan Bahanji Ban Rahi Thi.

Aaj Mere Bhoolne Ke Chalte Wo Kisi Aur Se Byah Thi Racha Rahi,
Pyar Se Pahle Wo Swasth Pati Ko Mahatwata Dene Thi Ja Rahi,
Maine Bhi Apni Nam Aankhon Se Use Jane Diya,
Meri Pariksha Me Tu Fail Ho Gayi - Ye Band Hothon Se Maine Use Bayan Kiya.

Mai To Apni Mashuka Ke Pyar Ko Tha Parkh Raha,
Upkaar Ke Badle To Nahi Kar Rahi Thi Pyar - Bas Itna Tha Jaanch Raha,
Pyar Me Hi Hota Hai Murde Ko Jiwit Banana,
Aur Meri To Bas Yaadash Ko Hi Tha Wapas Lana.

Meri Zindagi

Zindagi Maut Me Badalti Ja Rahi Jaise,
Pyar tumse Ho Raha Hai Waise,
Tere Mukh Pe jo Hansi Dekhi Thi Maine,
Wo Meri Zindagi Hi Ban Gai Kaise.

Armano Me Maine Bas Tujhe Hi Chaha Tha,
Kasame Wadon Ko Nibhane Ki Wajah Tuti To Tuti Kaise,
Tere Ashqon Ko Bitore Mai Ji Hi Raha Tha,
Tere Aashuon Ne Mujhko Bhigoya To Bhigoya Kaise.

Tera Wajood Mujhe Kuch Apna Sa Laga,
Tune Khud Ko Mitaya To Mitaya Kaise,
Jab Teri Zindagi Teri Thi Hi Nahi,
To Tune Mujhko Paraya Bataya To Bataya Kaise.

Chandani Raat Me Maine Tujhe Propose Kiya Tha,
Tune Mujhe Hans Ke Tala to Tala Kaise,
Tere Labon Ko Chumkar Mai Nashe Me Dhut Tha,
Tune Labon Ko Doorkar Mera Nasha Utaara to Utaara Kaise.

Teri God Me Sir Rakhkar Mai Sapne Tha Bunta,
Teri Lori Me Chupe Pyar Ko Tha Mai Mahsus Karta,
Mujhe Nind Se Jagakar,
Tune Mere Sapnon Ko Toda To Toda Kaise.

Mera Dulha Bannne Ka Sapna

In Sard Hawaon Me ThiThurTa Ye Mera Badan,
Tere Sparsh Ke Liye Na Jane Kab Se Bechain Hai Mera Mann,
Tu Door Hai To Mujhe Khushi Kisi Baat ki Nahi,
Mera Mann To Sada Se Hai Bechain, Kyoki Tu Mere Sang Nahin.

Teri Takleef Ko Samajh, Maine Tujhe Chaha Tha,
Tujhe Kuch Khushi Ke Pal De Jaun, Isiliye Apna Mana Tha,
Par Takdir Kuch Aur Aalam Kar Gayi Byaan,
Meri Takleefon Ko Aur Kar Gaye Jawan.

Teri Khushi Mere Jiwan Ki Aash Thi,
Wo Pal Sunhare The Jab Tu Mere Bilkul Paas Thi,
Teri God Me Sir Rakhakar Meri Chintaon Ki Kaal thi,
Aur Apni Jodi Sahi Me Badi Bawaal Thi.

Tu Mujhe Chod Chali Gayi, Samajik Rishte Ko Nibhane Ko,
Ye Bhi Na Socha Ki Kitna Hota Hai mushkil, Jab Baat Aa Jaye Akele Jiwan Bitane Ko,
Tere Pyar Ke Intezaar Me Bahut Bekarar Baitha Huin,
Tujhe Mahsus Karne Ko Mai Bechain Huin.

Ek Baar Fir Tere Sang Jine Ko Ji Karta Hai,
Wo Pyar Bhare Palon Ko Phir Mahsus Karne Ko Ji Karta Hai,
Par Ab Darta Huin Ki Kahin Tu Mujhe Aur Mere pyar Ko Baithi To Nahi Bhoola,
Aur Choor Na Kar Jaye Mera Sapna Jisme Banta Huin Mai Tera Dulha!!!

For Whom Who Will Love Me The Most!!!

Teri Chahat Ne Kiya Mujhe Kuch Is Tarah Prabhawit,

Ki Teri Yaad Pe Ho Chuki Meri Zindagi Aadharit,

Teri Saanson Ko Ab Mahsus Karne Ko Ji Hai Chahta,

Tujhe Apne Paas Bulane Ko Ji Hai Chahta.

Teri Dosti Na Jane Kyoun Itni Bhane Lagi,

Tu Na Jane Kab Mere Dil Me Samane Lagi,

Mai To Teri Dosti Ke Kabil Tha khud Ko Bana Raha,

Par Dost Se Tu Zindagi Kaise Ban Gayi, Yahi Samajh Nahi Pa Raha.

Tujhe Chahna Ab Meri Aadat Hai Ban Chuki,

Tujhe Pana Ab Jidd Hai Meri Ban Chuki,

Lakin Phir Apni Taqdeer Ko Koste, Mai Chup Ho Jata Huin,

Aankhon Se Nikle Khoon Ki Syahi Se Ye Kavitayen Likh Jata Huin.

Tu Ho Jaye Meri Taki Mai Sari Khushiyan Teri Jholi Me Daal Sakun,

Tujhe Gale Lagaakar Mai Pure Haq Se Tujhe Apna Bana Sakun,

Teri God Me sir Rakh Mai Chain Ki Nind Huin Sona Chahta,

Aur Maut Mujhe Chume Isse Pahle Mai Tujhe Chum Kar Vida Lena Huin Chahta.

Tere Pyar Ke Intezaar Me, Mai Khud Ko Protsahit Karunga,

Jab Tak Tu Khud Mujhse Gale Nahi Lagti, Mai Intezaar Karta Rahunga,

Tere Apnepan Ke Liye Mai Sada Rahunga Bekaraar,

Aur Ek Din Tu Bhi Mahsus Karegi Ki, Mai Hi Tha, Huin Aur Rahunga Tera Saccha Yaar!!!

Teri Aankhon Ka Aansu Mujhse Dekha Nahi Jata

Teri Aankhon Ka Aansu Mujhse Dekha Nahi Jata,

Tujhe Bhula Sakun Aisa Kabhi Khyaal Hi Nahi Aata,

Tujhse Pyar Kiya To Pata Chala Ki Zindagi Me Khushi Ka Aana Kya Hai,

Aur Jab Tu Door Chali Gayi To Pata Chala Ki Pyar Me Bichardne Ka Dard Kya Hai.

Teri Khamoshi Mujhe Ab Na Jane Kyon Satati Hai,

Tere Chehre Pe Hansi Ko Dekhne Ke Liye Meri Aankh Taras Jati Hai,

Tu Hai Door Mujhse Par Dil Me Bahut Karibi Banaye Baithe Hai,

Lakin Tujhe Mere Pyar Ki Kadra Kyon Na Hai.

Tere Mere Sang Wo Khusbudaar-Numa Pal Ka Bitana,

Mere Dukhi Chehre Pe Tujhe Dekhkar Wo Muskurahat Ka Aana,

Teri Muskurahat Ka Meri Zindagi Me Youn Kuch Khaas Ban Jana,

Aur Tere Wajood Ka Mere Wajood Me Mil Jana.

Teri Maturity Pe Logon Ne Uthaye Sawal,

Teri Up-Bringing Pe To Khada Hi Ho Gaya Tha Bawaal,

Phir Bhi Na Jane Kyon Tera Bachpana Mujhe Hai Bhata,

Aur Up Hoti Bringing Ke Sath Upar Uthne Ko Hai Ji Chahta.

Tere Sath Ko Mai Apne Jehan Me Kahin Huin Doondh Raha,

Tu Door Hai Mujhse IsiLiye Mera Dil Hai Mujhe Kachot Raha,

Tere Aane Se Shayad Mera Jiwan Sawar Jaye,

Is Garib Ke Zindagi Me Bhi Amiri Ke Din Shayad Aa Jaye.